A Catapulta de novembro de 2025 foi servida aos tronos.
Trompetas, tambores e bocois repletos de bytes auditivos foron servidos ao sal.
Categoría: Ordinario
Artigos
Anéis cartilaginosos horizontalmente dispostos
O vindeiro 15 de novembro participarei no Festival Eñe, Festival Internacional de Literatura e Creación.
Será nunha sesión matinal chea de enes velares no Círculo de Bellas Artes de Madrid canda Miriam Reyes
Seica farei noite na Residencia de Estudiantes. Saquen as súas propias conclusións sobre a crise cultural que está a vivir o planeta.
Arandos no estómago da besta
O domingo 28 de setembro ás 12.00 participarei nun encontro canda Fernando Castro Paredes e coa moderación de Concha Blanco. Será no Bela Fisterra.
O libro? O tenro é o salvaxe.
A terra? Afunde no mar.
Quen vai salvarse? Ninguén.
Shake the maracas
O sábado 27 de setembro estarei na Galería Maraca de Vigo ás 19.30h presentando Pifostio.
Bicarei bebés. Morderei monos. Proxectarei a sombra.
U-la ULA?
O luns 8 de setembro visita A Catapulta Maitane Vicente, da ULA Libraría Social da Serra de Outes.
Todo en directo a partir das 19.30h nas canles de Youtube e Twitch (Twitch!) de El Salto.
Swing Easy Corvified Double Team
Non son quen de afirmar como será noutros días, pero sei que o 12 de setembro de 2025 ás 20.00 hei ser moi feliz porque volvo á ULA Libraría Social da Serra de Outes.
Desta volta será para participar nas Afinidades Electivas canda a poeta catalá Mireia Calafell.
Corvo asentado na touza
Entrevistáronme en Nós Televisión a propósito do Pifostio e botamos unha partida de “Planos Recursos con Samuel”.
Puzzle Mar Vento Búfalo Clorofila Ferida
Puzzle. O tenro é o salvaxe. Mar. Martes 5 de agosto de 2025. Vento. Feira do Libro da Coruña. Búfalo. 20.15h. Clorofila. Tamara Andrés. Ferida. Samuel L. París.
Quen dixo que? Quen dixo cando?
O 1 de agosto ás 20.00 participo na Feira do Libro da Coruña nun faladoiro sobre (colle aire) heterónimas, anónimas, pseudónimos e caracteres literarios e/ou autoriais á sombra dun libro aberto.
Entendo que neste faladoiro conversarei con Berta Dávila, Rodrigo Osorio e Estíbaliz Espinosa sobre “como dixeches?”, “o que?” e tamén ao redor de “que dis que que?”. Asisto á cita disposto a explicar todo sobre a Internacional de poesía anarquista, malia que non lembre case nada.
Ao final, unha de nós lanzará unha boliña pequena ao chan que estourará e inundará a Carpa 2 dun fume mesto e desapareceremos (aínda que seguro que despois nos encontras do outro lado da rúa, por diante do Mango que hai alí ao lado do Obelisco).
Fight here, fight now
Venres 18 de xullo ás 20.00. Asociación Évame Oroza. Máis alto que o ceo. O tenro é o salvaxe. Samuel L. París.
Por que fas o que fas?
